Өнөөдөр (2024.12.24) сумын Иргэдийн Төлөөлөгчдийн хурлын ээлжит II хуралдаан Засаг даргын тамгын газрын иргэний танхимд боллоо.

Авлигатай тэмцэх газраас Иргэдийн Төлөөлөгчдийн Хурлын ээлжит сонгуулийн үр дүнгээр шинээр сонгогдсон аймаг, сумын иргэдийн Төлөөлөгчдийн Хурлын төлөөлөгч нарт Авлигатай тэмцэх үндэсний хөтөлбөрийн зорилго, зорилт, үйл ажиллагааг танилцуулж, авлигын эсрэг хууль тогтоомжийн хэрэгжилт, үр дүн, анхаарах асуудлын талаар сургалт хэлэлцүүлгийг (2024.12.09) зохион байгуулав. Сургалт хэлэлцүүлэгт аймаг, сумын ИТХ-ын дарга, төлөөлөгчид болон ажлын албаны 200 гаруй албан тушаалтан хамрагдлаа. Тус сургалтын нээлтэд аймгийн Иргэдийн Төлөөлөгчдийн Хурлын дарга З.Эрхбаяр оролцож үг хэллээ. Сургалтаар авлигын нийгмийн хор аюулыг олон нийтэд ухуулан сурталчлах, авлигатай тэмцэх арга барилд төрийн албан хаагчдыг сургах, авлигаас урьдчилан сэргийлэх, төрийн үйлчилгээний ил тод байдлыг хангах чиглэлээр холбогдох арга зүйн туслалцаа үзүүлэх зэрэг сэдвээр мэдээлэл хийж, хэлэлцүүлэг өрнүүллээ. Мөн өнөөдөр “Авлигын эсрэг Олон улсын өдөр” тохиож байгаа бөгөөд сургалтад оролцогчид “Авлигын эсрэг” нэгдэж буйгаа илэрхийллээ.

Өнөөдөр /2024.11.20/ Манхан сумын Засаг даргаар П.Мягмарсүрэнг томилсон захирамжийг танилцуулж батламжиллаа.

Аймгийн ИТХ-ын Ажлын албанаас “Нутгийн өөрөө удирдах ёсны байгууллагын сонгуультан, ажилтнуудын уулзалт, хэлэлцүүлэг”-ийг өнөөдөр /2023.12.21/ зохион байгууллаа. Нутгийн өөрөө удирдах ёсны байгууллагын хяналтын чиг үүргийг идэвхжүүлэх, зөвлөл, хороодын үйл ажиллагааг эрчимжүүлэх, гэмт хэргээс урьдчилан сэргийлэх ажлыг зохицуулах салбар зөвлөлийн ажлын уялдаа холбоог сайжруулах, иргэдийн оролцоог нэмэгдүүлэх харилцан туршлага солилцох зорилготой юм. Аймгийн ИТХ-ын дарга Г.Пүрэвганди уулзалт, хэлэлцүүлгийг нээж үг хэллээ. Мөн сумдын ИТХ-ын үйл ажиллагаанд хяналт шинжилгээ хийсэн талаар аймгийн ИТХ-ын БЗХЭЗХ-ийн дарга Ш.Батсүх танилцуулга мэдээлэл хийлээ. Хэлэлцүүлгийн Модератороор аймгийн ИТХ-ын Нарийн бичгийн дарга бөгөөд Ажлын албаны дарга Б.Баярсүх, Алтай сумын ИТХ-ын Нарийн бичгийн дарга Г.Гантуяа нар ажиллав. Панелистаар Аймгийн ИТХ-ын Төлөөлөгч, Нутгийн удирдлагын хөгжлийн хорооны ахлагч С.Баянмөнх, Ховд аймаг дахь төрийн аудитын газрын хэлтсийн дарга бөгөөд ахлах аудитор А.Цэцэгсүрэн, Газрын харилцаа барилга хот байгуулалтын газрын дарга Г.Төгөлдөр, Дарви сумын ИТХ-ын дарга Г.Эрдэнэчулуун, Жаргалант сумын ИТХ-ын Нарийн бичгийн дарга П.Оюунтунгалаг нар урилгаар оролцлоо.

Ажлын хэсэг өнөөдөр /2023.11.22/ хуваарийн дагуу Манхан суманд ажиллалаа.

МАНХАН СУМЫН ИРГЭДИЙН ТӨЛӨӨЛӨГЧДИЙН ХУРЛЫН ЭЭЛЖИТ БУС XII ХУРАЛДААН БОЛЖ БАЙНА.

Ховд аймгийн Манхан сумын 6 багийн Малчин иргэдийн зөвлөгөөнийг зохион байгуулж байна.

Сумын ИТХ-ын IX хуралдаан 2023 оны 03 сарын 24-нд төлөөлөгчдийн 61.9 хувийн ирцтэй хуралдаж дараах асуудлыг хэлэлцлээ.

Манхан сумын ИТХ-ын VI хуралдаан болж өндөрлөлөө.