Өнгөрөгч мягмар гараг буюу 2025 оны 04 сарын 22-ны өдөр сумын нийт иргэдийн хөдөлгөөн эрүүл мэндийг дэмжих, цагийг үр бүтээлтэй зөв боловсон өнгөрүүлэх, урлаг спортын арга хэмжээг зохион байгуулах, төсөвт байгууллагуудын үйл ажиллагаатай танилцаж үнэлэлт өгөх, нөхцөл байдлын тухай бодит мэдээллээр хангагдах зорилгоор сумын ИТХ-ын төлөөлөгчдийн нэг өдрийг зохион байгууллаа.
Тус үйл ажиллагааг удирдамжийн дагуу-Өглөөлөг (бүх нийтийн гүйлт, гимнастик, хөгжөөнт буухиа, хөгжөөнт тоглоом)
-Газрын даамлын мэдээлэл сонсох
-ИТХ-ын төлөөлөгчид төсөвт байгууллагуудын үйл ажиллагаатай танилцах
-Волейболын холимог багийн тэмцээн
-Үдшийн цэнгүүн гэсэн төрлүүдээр зохион байгуулсан.
Тодруулбал:Төлөөлөгчид төсөвт байгууллагуудад тулгамдаж буй асуудалтай танилцан бодит мэдээллээр хангагдаж цаашид сум орон нутгийн төсөв санхүүг зөв зарцуулах, орон нутагт хийгдэж буй ажлуудыг чанартай, гүйцэтгэл сайтай байлгах тал дээр анхаарах нь чухал байгааг онцолж байлаа. Мөн иргэдийн дунд эргэлзээ төрүүлж буй торлосон газрын тухай холбогдох мэргэжилтнээс үнэн зөв бодит мэдээллийг авч чадсан үр дүнтэй ажил болсон юм. 
