2018.04.21нд Манхан суманд Ховд аймгийн Манхан сумын харьяат Монгол улсын анхны үлэмж дархан мэргэн, спортын мастер, улсын 5 удаагийн аварга М.ЦЭВЭЭН-ОЧИРЫН нэрэмжит 2018 оны аймгийн аварга шалгаруулах үндэсний шагайн харваан тэмцээн боллоо. Тэмцээнд нийт 6 багийн 70 гаруй тамирчид оролцсон бөгөөд хамгийн өндөр настай нь 78 настай, хамгийн балчир харваач 11 настай харваач оролцсон өрсөлдөөнтэй сайхан тэмцээн болж өнгөрлөө. Тэмцээн цуваа болон багийн харваа гэсэн 2 төрлөөр явагдсан. Тэмцээнийг М.ЦЭВЭЭН-ОЧИРЫН үр хүүхдүүд, ах дүү нар болон аймгийн шагайн харваан холбоо ивээн тэтгэж явууллаа. Энэ тэмцээний үеэр аймгийн ИТХ-ын нарийн бичгийн дарга Сандагсүрэн аймгийн шагайн харваан холбооны даргаар сонгогдлоо.